കറുത്ത മഷിപ്പൊടി
- Published on June 17, 1908
- By Staff Reporter
- 115 Views
" ഇമ്പീരിയല്‍ ബ്ളൂ ബ്ളായ്ക്ക് ഇങ്ക് പൗഡര്‍ ,, എന്നു പേരായ ഈ മഷിപ്പൊടി , വളരെ വിശേഷപ്പെട്ടതാകുന്നു. ഒരു പൊതിക്ക് ഒരു പൈസ ( കാലണ) വിലയാണ്. യാത്രയില്‍ കൊണ്ടുനടപ്പാനും മറ്റും വളരെ സൗകര്യമുണ്ട്. 2 ഔണ്‍സ് പച്ചവെള്ളത്തിലോ ചൂടുവെള്ളത്തിലോ ഇട്ടാല്‍ ഉടന്‍ ദ്രവിച്ചുചേരും. നല്ല കറുപ്പുനിറമാകും. ഉരുക്കുപേനയെ ദ്രവിപ്പിക്കയില്ലാ. കട്ടിപിടിക്കയില്ലാ . പേനയില്‍ നിന്ന് അനര്‍ഗ്ഗളമായി ഒഴുകുന്നു. ശീഘ്രം ഉണങ്ങിക്കൊള്ളും. ഇന്‍ഡ്യ , ബര്‍മ്മാ, സിലോണ്‍ ഈ സ്ഥലങ്ങളില്‍ വക്കീലന്മാര്‍ , ഉദ്യോഗസ്ഥന്മാര്‍ , ജമേന്ദാരന്മാര്‍ ,വാധ്യാന്മാര്‍ വിദ്യാര്‍ത്ഥികള്‍ , കച്ചവടക്കാര്‍, തപാല്‍മാസ്റ്റര്‍മാര്‍, എന്നിവരും മറ്റുപലരും ഈ മഷിപ്പൊടിയെ ഉപയോഗിക്കുന്നു.
നീലക്കറുപ്പ് , ചെമപ്പ്, പച്ച, ഊതാ ഈ നിറങ്ങളിലുള്ള മഷിപ്പൊടികള്‍, ഒരു കടലാസ് പെട്ടിക്കുള്ളില്‍ 100 പൊതിക്ക് വില 1 . ക 4 .ണ . തപാല്‍കൂലി വേറെ.
ടി.എസ്സ്. സുബ്രഹ്മണ്യആന്‍റ് കമ്പനി.
32 , ആര്‍മീനിയന്‍ തെരുവ്, മ ദിരാശി.
മേല്‍വിലാസം ഇംഗ്ലീഷിലോ തമിഴിലോ മലയാളത്തിലൊ ആയിരിക്കണം.
